لملم جراحك ياوطن

من طرف **shokeir** السبت أبريل 13, 2013 12:49 pm

لملم جراحك ياوطن وابتسم
مرضاش ياوطن تنهزم وتنام حزين
لملم جراحك ولاتنحني وخليك متين
ترتاية حلوة اتقسمت وقسمها مين
أبو بدله حلوة وشكله شكل ممثلين
مش عاجبه حاجة ويتلوي زي التنين
ترتاية بيقسموها ابل ماتستوي
بوثيقة متفبركة وكلها علينا ماتنطلي
إياك – يامرسي – تكون ضعيف
وتركع لهم ولو ركعت هنستلف تمن الرغيف
يحكموا هما وتضيع شمال ولايمين مايهمهم
المهم تكون لقمة حلوه في فمهم
لاشعب هامهم ولاحد فاهمهم وبتكلموا
من هاله شو – لخيري فندي – وعند بنت منصور يتنططوا
ايه ياوطن باعوا فيك كل الهمم واتعفرتوا
أبوايد نضيفة وسيرة حلوة لوثوها وخونوه وهأهأوا
متنمردين ومأصلين وكله بالحرية وديمقراطية ويهتفوا
ياعبد الحميد –حيرتني مين هما دول
دول ياوطن اللي باعوك وخانوك ارض وسما
لأ وإيه –بيترشحوا وفي ظنهم هيحكمونا وهينجحوا
متأسدين ياوطن ومتوحشين وخوفي ياوطن ينجحوا
لا ياعبد الحميد – اوعوا تركعوا ولاتخافوا واتوحدوا
وافتكر دم الشهيد واللي ضحوا علشان تتوحدوا
خلاص ياوطن دم الشهيد دا حقه وحقنا ومش هنضيعه
لو هما مين هنحقق الحلم الجميل وهنصنعه
و السجين اللي في طره إن شاء الله هنعدمه
وتعيش كريم ياوطن ونعيش كرام ياوطن وننسي المحن
وولادك الجدعان والغلابة الشقيانين هيحموك طول الزمن
وولادك الجدعان والغلابة الشقيانين هيحموك طول الزمن
هيحموك طول الزمن... هيحموك طول الزمن

الإثنين	الثلاثاء	الأربعاء	الخميس	الجمعة	السبت	الأحد
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31