إيه ياعرب ضاع العراق

ايه ياعرب مبتسمعوش
ضاع العراق مننا وإحنا اللي ضيعناه
وفي ليبيا كان الأمل ضاع الأمل وياه
وادي السودان اتقسمت وإحنا اللي قسمناه
وفي سوريا تاه الولد واتشوهت ذكراه
ودي مصر بين أحضانهم مكتومة الأنفاس
مش لايه حتى الولاد يحموها من الأنجاس
بيبيعوا كل الكرامة وعزتي بتنداس
وكل واحد بياخد حصته من عدونا النخاس
فرحان بحظك ياغبي من حصة الأنجاس
وتقول لي دي حرية ...حرية إيه ياغبي وأنت أول اللي انداس
ودا كان حلمهم ياعرب ...حلمهم احنا اللي حققناه
حلمهم يقسموا بلادي ويبعدوا ولادي .
وان قدروا ينسوني أجدادي
مكتوب لي ايه ياعرب مكتوب لي اعيش متهان
لا ياعرب مش أنا ...أنا عمري ماأتهان
.وكرامتي فوق في السما ..مش حلم ده إيمان
ولو يوم داسوني بغشم
هكون ساعتها شهيد وعمري يوم ما أتهان

سوق النخاسة انتشر عند الكلاب
وقالوا حقوق إنسان
ولاحد يرفع صوته ويعترض
.لكن عندنا صوتهم بيعلي ويرتفع
والناس تخاف وتدفن راسها وترتعش
عليّ صوتك ولا تخاف بس أنت وفر لقمتك
ساعتها كل الكلاب اللي بتنبح
هاتاطي وتلحس جزمتك
[/b]