ليه ياوطن رافض الغلابة

ليه ياوطن
ليه ياوطن رافض كل الغلابه الشقيانين
دول سال دمهم بين الحواري والميادين
ليه ياوطن عاشق تراب النخاسين
عودوك ترفض ياوطن الناس الطيبين
فاكر ياوطن ساعة المغربية في الصيام
والولاد متجمعين جنب الحيطان ساعة الفطار
مستنيين يسمعوا صوت الأذان " الله أكبر" مش فارقة بين غني ولافقير
والفوانيس عرايس علي ضيها متجمعين يفطروا
بعد الفطار نحكي الحكاوي وجدتي كان زمان
نسوك ياوطن زفة الأعياد والعيال الفرحانين
وضمة الأحضان والكلام الطيب والقلوب لله مسلمين
ضم بإديك ياوطن قلب الغلابة الشقيانين الطيبين
وارجع ياوطن زي زمان واعرف عدوك ومين الأمين
ليه ياوطن رافض فهمني ليه